- Наам алууга такыр аракет кылып көргөн эмесмин. "Маданияттын мыкты кызматкери" деген гана наамды алгам. Башка наамдарга чуркап да, кызыгып да көрбөптүрмүн. Наам адамга стимул болушу мүмкүн, бирок сенин чыгармачылыгыңдын чени эмес деп ойлойм. Бааны эл берет. Мага элдин сыйы менен колдоосунан өткөн наам да, баа да жок.

Ал эми наамдардын берилиши боюнча айтсам, азыр эч нерсеге таң калбай турган заман болуп калды. Бүгүн ырдап чыгып эле, эртең "Эл артисти" наамын алса деле таң калбайм. Себеби баары сатылып калды. Каалагандар наамды азыр деле алып алат. Мыйзамдагы 5 жыл аралык деген кагазда эле калды. Жалгыз эле бизде эмес, бардык тармакта деле ушундай көрүнүш го. Ошондон уламбы, наамдын баркы кетти окшойт, -деп ырчы Фарида Карбосова "Фабула" гезитине наам тууралуу ою менен бөлүштү. 

Булак: NazarNews.kg