Кыргызстандын бюджети 2024-жылга барып профицитке чыгат. Бул туурасында финансы министри Алмаз Бакетаев ЖКнын тармактык комитетинде 2022-жылга республикалык бюджет жана 2023-2024-жылдарга божомолун бекитүү мыйзам долбоорун кароо учурунда билдирди.

Анын айтымында, 2023-жылы бюджеттин дефицитинин көлөмү азайышы пландалууда. Ал эми 2024-жылы 8,3 миллиард сом өлчөмүндө профицит болжолдонууда. Бул сумма өлкөнүн карызын жабууга жумшалат.

Белгилей кетсек, 2022-жылга карата республикалык бюджеттин долбоорунда кирешеси 282,1 миллиард сомду түзүп, чыгаша бөлүгү 291 миллиард сомго жетет. Муну менен дефицит 9,1 миллиард сом деп белгиленди.

Булак: NazarNews.kg