www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ички иштер министринин орун басары Мирлан Каниметов учурда бийлик өкүлдөрүнүн уюшкан кылмыштуу топтор менен байланышы жок экенин билдирди.
- Криминалдын бийлик өкүлдөрү жана саясатчылар менен байланышы бар деген пикирлерге кошулбайм. Курманбек Бакиев бийликте турган 2007-2008-жылдары байланыш болгон. Мен Медет Садыркуловдун өлүмү боюнча резонанстуу ишти иликтөөгө катышкам. Анын жыйынтыгында бийликтин, криминалдын жана күч түзүмдөрүнүн өкүлдөрүнөн турган 27 адам жоопкерчиликке тартылган. Ошондо бийликтин, күч органдарынын уюшкан кылмыштуу топтор менен байланышы болгону аныкталган, - деди Каниметов.
Ал ошондой эле учурда өлкөдө криминалдын таасири мурдагыдай эмес экенин кошумчалады.
Уюшкан кылмыштуулукка каршы күрөшүү темасы «Мадина» базарында соода кылган Абдурахеман Хуфур аттуу ишкердин киши колдуу болуп өлтүрүлгөнү белгилүү болгондон кийин кызуу талкуулана баштады. Бул кылмыш үчүн сегиз адам кармалып, алар ишкердин автоунаасына ээлик кылыш үчүн ушундай ишке барганы айтылган.
Андан көп өтпөй «Манас» аэропортунун жанында турган автоунаанын багажынан киши колдуу болгон адамдын сөөгү табылып, анын жанынан ири суммадагы акчасы каракталганы кабарланган.
Булак: NazarNews.kg
< Предыдущий
Следующий >
Последние новости
