Кыргыз өлкөсүндө жана бир катар мамлекеттерде Инстаграм, Фейсбук тиркемелеринин иши үзгүлтүккө учурады. Бул тууралуу чет элдик маалымат булактары жазып чыгышты.

Маалыматка караганда,  популярдуу Инстаграм жана Фейсбук тармактары бир катар өлкөдө иштебей, колдонуучулардын нааразычылыгын жаратууда.

Аталган Инстаграм жана Фейсбук   тиркемелери бирде иштеп, бирде иштебей жаткандыгына эл нааразы. 

Орусия, АКШ, Улуу Британия, Нидерланды, Сингапур, Япония жана башка өлкөлөрүндө Инстаграм жана Фейсбук  колдонуучулары аккаунттарына  кире албай  жана кабарлар лентасынын жаңыланбай жаткандыгын билдиришкен.

Ал эми биздин өлкөдө Фейсбук эмес, Инстаграм түйүнүнө кирүү оор болуп жаткандыгын колдонуучулар  айтып чыгышты.

Эске салсак, 2018-жылы 1,1 млрд киши Инстаграм түйүнүнө катталган. Ал эми Фейсбук түйүнүнө 2017-жылы 2 млрд киши катталган.

Булак: NazarNews.kg