Карыпбековдун кайра директор болууга ниети бар

Журналист: NAZARNEWS

24.01.2019, 2:20

18714

саясат

КТРКны 2015-жылдын 15-мартынан бери жетектеп келаткан Илим Карыпбековдун кызматтык ыйгарым укуктары 19-мартта аяктайт. Жаңы жетекчи 20-мартта ишке киришүусү керек.

Буга байланыштуу Коомдук телерадиокомпаниясынын башкы директорлугуна сынак жарыяланды. Талапкерлерге карата коюлган негизги талаптар: мамлекеттик тилди эркин билүү, расмий, англис жана башка тилдерди билгендерге артыкчылык берилет. 5 жылдан кем эмес практика жүзүндө жетекчилик иш тажрыйбасы болушу, теле жана радионун иштөө принциптерин түшүнүүсү зарыл.

Талапкер коомдук-саясий жана диний уюмдарда кызмат ордун ээлей албайт.Ал эми Илим мырза, бул кызматка экинчи ирет ат салышыл көрүү ниети бар экенин, буга мыйзам жол бере турганын, учурда ойлонуштуруп жатканын ачыктады.

Ал ортодо КТРКнын эки тизгин, бир чылбырын колго алууга кызыкандар "кызык" оюндарды башташып, кылтылдап Ак үй, Көк үйгө чуркап башташты.

Булак: "Багыт"