www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
21-июнда Батыш-Казакстан облусунун райондор аралык соту Жангалин районундагы Жангала айылынын сегиз тургунун 5 жылдан 15 жылга чейинки мөөнөттөргө эркинен ажыратуу өкүмүн чыгарды. Алар «Террористтик топ түзүү жана анын ишмердүүлүгүнө катышуу», «Терроризди пропагандалоо» жана «Теракт даярдоо» беренелери боюнча айыпталышкан.
Соттун материалдарына ылайык, 25-33 жаш курактагы соттолуучулар жаш балдары менен араб тилинде «Аллахтан башка Кудай жок» деген жазуусу бар кара кездеменин фонунда сүрөткө түшүп, жергиликтүү РИИБге кол салууга даярдык көрүшкөн.
Соттун билдирүүсүндө жазылгандай, «соттолгондордун бирине өткөн жылкы Актөбөдөгү куралдуу кол салуулар катуу таасир калтырып, ал теракт пландап, ал тууралуу топтун калган мүчөлөрүнө билдирген. Тергөөнүн материалдарына караганда, топтун мүчөлөрү желекти ары-бери шилтеп, «Аллах Акбар!» деп кыйкырып, унаа менен айылды айланып жүрүшкөн. «Муну менен алар «Ислам мамлекети» террордук уюмунун идеяларын жана алардын куралдуу жихаддарын колдой тургандыктарын көрсөтүшкөн», - деп айтылат соттун өкүмүндө.
Соттолуучулар айыптоолорду четке кагышууда. Адвокаттар менен туугандары өкүм боюнча жогорку инстанцияга даттанууга ниеттенип жатышат.
Булак: "centralasian.org"
< Предыдущий
Следующий >
Последние новости
