www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Куда - сөөктөрдүн алдыңкы сабында, кимдир бирөөлөргө кайни болуп бараткан Алмаз Кененбаев деген президенттик аппараттын жетекчисинин орунбасары бар. Кененбаев бул мансапка келгени кыргыздар оңуп деле кеткен жок. Митаам Кененбаев СДПКга кирип, анын каймагын калпып жеп, Бишкек шаардык Кеңешинин СДПК фракциясын жетектеп калган. Анын Максим Бакиевдин кайын-журту жана Роза Отунбаеванын кудасы Кененбаевдерге тиешеси барбы, жокпу белгисиз, бирок аккан суусу өйдө аккан Кененбаев Алмаз Алмаз Атамбаевдин көңүлүнө майдай жаккан.
Эми кимдир бирөөлөргө кайни боло калып Ак үйгө учуп келген. Ак үйгө келгенден баштап өзүнүн митаам оюндарын кайра баштады. Ал бийликке тоңкош атып жагынганы менен, кол алдындагылардын колтугуна суу бүркүп, мындан да чоң мансапка жутунуп жаткандай. Тилегени ишке ашсын, лекин, ал бул кызматта туруп эмне кылып кыйратып коюптур? Элди бири-бирине чабыштырып, азыркы бийликти төмөн жактагы элге жаман көргөзгөндөн башка эмне кылды? Ушундай жаш бюрократтарды жакын жолотпой, мейли кайни эмес, “майни” болсо да Ак үйгө жакындатпаш керек эле, болбосо ушуга окшогон кекиртеги кернейлер кененчиликти тарытып баратат.
Азизбек КЕЛДИБЕКОВ, NazarNews.kg
< Предыдущий
Следующий >
Последние новости
