UFC уюмунун жеңил салмактар арасындагы экс-чемпиону Конор Макгрегор толгон-токой акчаны мыкчып турган сүрөтү жарык көрдү.

Эмнеге дебейсизби? Ал Кыргызстан, Казакстан, Өзбекстан күйөрмандары ортосунда лотерея ойнотуп, анын купулуна толгон күйөрманына белек кылмай ою бар экен. Конкурстун эрежеси жөпжөнөкөй, болгону келечекте Хабиб Нурмагомедов менен боло турган мелдешине Конорго арнап кызыктуу ыр саптарын арнаш керек. Кимдикин “кызыктуу” деп тапса анда бул акчалар ал адамдыкы. 2018-жылдын октябрь айында Конор Хабиб менен октагондо беттешип утулуп калган, эми ал келээрки жылдын апрель айында россиялык мушкерден реванш күтүп жатат.

Бирок бул лотереянын чын-төгүнү азырынча белгисиз. Себеби, буга чейин дагы далай жылдыздар күйөрмандарына ар кандай конкурс жарыялап жүргөндөрү социалдык тармактарда кеңири тарап жүргөн. Көп учурда алар фейк аккаунттардан тарап, шылуундардын каражат табуусунун ыңгайлуу схемасына айланган.

Булак: NazarNews.kg