Бул тууралуу маалымат Жогорку Кеңеште бүгүн, 4-декабрда «КР Социалдык фондунун 2020-жылга бюджети жана 2021-2022-жылдарга божомолу жөнүндө» мыйзам долбоору каралып жатканда айтылды.

Депутат Таалайбек Масабировдун “Кыргызстанда эң төмөнкү пенсиянын суммасы дайыма эле айтылып келет. Ал эми пенсиянын эң жогорку суммасы канча?” деген суроосуна Социалдык фонддун төрагасы кагаздарын чукулап отуруп, “104 000 сом” деген жоопту айтты.

Ал эми персоналдык пенсионерлердин саны өлкөбүздө 2000 адамга жетет. Алардын орточо пенсиясы 20 000 сомдун тегерегин түзөт.   

Булак: NazarNews.kg