Быйыл былтыркыга караганда уйдун эти 20 сомго кымбаттады. Бул жылы Кыргызстанда малдын эти эле эмес ун да кымбаттаган.

2019-жылдын октябрь айынын жыйынтыгы менен өткөн жылдын бул мезгилине салыштырмалуу 1-сорттогу ун 6,6 пайызга, жогорку сорттогу ун 3,3 пайызга кымбаттады. Бул тууралуу Улуттук статистика комитети он айлык жыйынтыгын жарыялаганда маалымдалат. 
2018-жылдын октябрь айында 1-сорттогу ундун баасы 29,25 сом, жогорку сорттогу ундун баасы 37,36 сом болсо, быйыл биринчи сорт 31,1 сом, жогорку сорт 38,89 сом деп белгиленди. Ошондой эле күрүч былтыр 70,99 сом болсо, быйыл (9 пайызга өстү) 77,10 сом болгон. Былтыр уйдун эти 323,45 сом болсо быйыл 341,75 сомду түздү.

Булак: NazarNews.kg