Кыргызстанда окуучу кыз апасын өлтүрүп алды

Журналист: NAZARNEWS

29.04.2020, 21:22

30008

кылмыш жана кырсык

Алай районунда мектеп окуучусу апасынын өлүмүнө шектелип жатат. Бул тууралуу Ош ОИИБнинин басма сөз кызматы билдирди.

Маалыматка ылайык, 25-апрель күнү саат 10:00 чамасында Алай РИИБдин нөөмөт бөлүмчөсүнө Жошолу айыл өкмөтүндөгү айылдардын биринде 52 жаштагы аял кишинин жансыз денеси табылганы боюнча маалымат келип түшкөн. Окуя болгон жерге Алай РИИБдин ыкчам тергөө тобу барган. Алар 24-апрелде саат 22:00 чамасында 16 жаштагы кыз апасы менен уруша кетип, темир кулпу менен апасынын башына 2-3 жолу уруп, башка бөлмөгө кирип жатып алганын аныкташкан. Жаракат алган 52 жаштагы апасы кансырап жаткан жеринде каза болуп калган.

аталган факт боюнча Жазык кодексинин 138-беренеси (денеге оор зыян келтирүү) менен сотко чейинки өндүрүш иши башталып, шектүү 2 айга камакка алынды

Учурда сотко чейинки өндүрүш иштери жүрүп жатканын билдирди.

Айрым маалыматка караганда, маркумдун жолдошу 7-8 жыл мурун дүйнө салган. Маркум аялдын 4 баласы бар болчу.

Булак: NazarNews.kg