Британ сот арачылары медайым Люси Летбини жети ымыркайдын өлүмүнө күнөөлүү деп тапты. Бул тууралуу Би-Би-Си жазып чыкты.

Маалыматка ылайык, ал 2015-жылдан 2016-жылдын июнь айына чейин Честер ооруканасынын графинясында иштеп жүргөндө ийнени (шприц) абага толтуруп, жаңы төрөлгөн ымыркайларды сайып өлтүргөн.

Летби ошондой эле атайылап ийнени абага толтуруп сайып, ашыкча тамактандыруу жана инсулин менен ууландыруу сыяктуу ыкмаларды колдонуп, оорукананын неонаталдык бөлүмүндө дагы алты ымыркайды өлтүрүүгө аракет кылганы үчүн күнөөлүү деп табылды.

Сот арачылар ымыркайларды өлтүрүүгө аракет кылган дагы алты айып боюнча чечим чыгара алган жок. Прокурорлор бул беренелер боюнча ишти кайра карап чыгууну талап кылуу маселесин чечиш үчүн 28 күн сурады.

Манчестер соту Летбиге өкүмдү 21-августта чыгарышы керек.

Люси Летби иштеген неонаталдык бөлүмдүн алдыңкы консультанты Би-Би-Сиге оорукананын жетекчилиги медайымга коюлган айыптарды өз убагында иликтей албай, дарыгерлердин оозун жабууга аракет кылып жатканын айткан.

Жалпысынан Летби 13 жаңы төрөлгөн ымыркайдын өмүрүнө кол салган. Алардын аты-жөнүн айтууга сот тыюу салат, бирок беш бала жана эки кыз каза болгону айтылууда.

CNN билдиргендей, Летби полиция тарабынан 2018 жана 2019-жылдары тергөө иштерине байланыштуу эки жолу, ал эми 2020-жылдын ноябрь айында кайра камакка алынган.

Бийлик анын үйүн тинтүү учурунда Летбинин күндөлүгүн таап алышкан.

"Мен жашаганга татыктуу эмесмин. Аларды атайылап өлтүрдүм, анткени мен аларга кам көрүүгө татыксызмын. Мен өтө коркунучтуу адаммын", - деп жазган күндөлүгүнө.

Булак: NazarNews.kg