Орусиянын абасы кир, таза эмес шаарлары аныкталды

Журналист: NAZARNEWS

04.09.2019, 23:25

27612

дүйнө жүзүндө

Орусиянын шаар жергелериндеги аба өтө эле булганган. Бул тууралуу жаратылыш министрлигинин сайтында жайгаштырылган “2018-жылдагы Орусия Федерациясынын ахвалы жана айлана чөйрөнү коргоо” деген докладында кенен түшүндүрмө берилет.

Айтылгандарга таянсак, абасы булганган калаалардын көпчүлүгү Сибирь федералдык округуна тиешелүү болуп, ал 57 пайызды түзгөн. Алып айтсак; Абакан, Ангарск, Барнаул, Братск, Иркутск, Красноярск, Новокузнецк, Норильск, Улан-Удэ, Чита жана башка шаарлар.

“Ушул калаалардын тургундары турак жайларын таштай салып качып жатышат. Алардын батирлерин башка эч ким сатып алууга ашыкпайт” – деп берилет аталган ведомствонун отчетунда.

Ошондой эле топурактын булгануу деңгээли Приморск крайында, Новгород областында жана Санкт-Петербургда башка шаарларга салыштырмалуу абдан начар – ал өлкөдөгү орточо көрсөткүчтөн үч эсеге көбүрөөк экени айтылат. Мындай көрсөткүчтөгү тизмеге: Красноярск крайы, Свердлов областы, Киров, Челябинск, Забайкальск шаарлары жана Түндүк Осетия кирген.

Август айында орусиялыктар эң эле кир жана эң таза шаарлардын аттарын аташкан. Анда, Архангельск жана Ростов областынын Каменск-Шахтинский калаалары таза эмес деп табылса, эң таза деп Белгород областынын Губкин шаары табылган.

Булак: "NazarNews.kg"