Бишкекте кичинекей кыздын кулагынан сөйкөсүн чечип кеткен эки кыз кармалды. Бул тууралуу Бишкек шаарынын ички иштер башкы башкармалыгынын маалымат кызматы билдирди. Маалыматка ылайык, милицияга арыз менен жабыркаган кыздын апасы кайрылган. Ал өз арызында белгисиз эки кыз анын кызынын кулагынан алтын сөйкөсүн чечип кеткендигин билдирген. Кылмышка шектүү деп 1999-жылы туулган А.М жана Т.К аттуу кыздар кармалышкан. Мындан сырткары, кармалган кыздардын үстүнөн алдамчылык боюнча дагы 5 арыз келип түшкөн. Кылмышка шектүүлөр 2 айга камакка алынды.

Кыздардан жабыркаган жарандар 0553 102 243, 0703 00 36 00 номерлер аркылуу Октябрь райондук ички иштер бөлүмүнө кайрылсаңыздар болот.

Булак: NazarNews.kg