"Бир Бол" "коррупционерлердин" уюгубу?

Журналист: NAZARNEWS

10.11.2018, 4:48

16289

саясат

«Бир бол» фракциясынын лидери Алтынбек Сулайманов партиясына өңчөй «бакиевчи коррупционерлерди» толтуруп алганы шайлоо учурунан бери сөз болуп, сынга алынып келе жатат.

Бирок Сулайманов бир дың деп койгон жок. Тескерисинче бетин кызартпастан:

«Пирматов, Жапаров таза» дегенди айтып, айкырык салууда. Ошондо Башкы прокуратура Исхак Пирматовго «Кыргызнефтегаз» ишканасын жетектеп турганда 256 миллион сомду жеп койгону боюнча козгогон кылмыш иши ойдон чыгарлыган болот экен. Ал эми
Акылбек Жапаров болсо өзүн Канттагы МИС ишканасына Каржы министри болуп турган 200 миллион сом ссуда берип, аны кечиртип алганы боюнча УКМКнын кылмыш ишин козгогону да болбогон жорук болуп чыгат.

Сулаймановдун логикасына баракелде дебестен башка арга жок.

Мына «Бир бол» партиясынын дагы бир мүчөсү Аскарбек Шадиев Америкада качып жүрөт. Чудинов соттолуп мандатынан айрылды.

Мындан улам, «Бир бол» коррупционерлердин уюгубу дейсиң...

Булак: "Ачык саясат"