Россиянын ТИМи Макронду чыныгы жомокчу деп атады

Журналист: АЙСУЛУУ ТАЛАНТ

06.03.2025, 15:54

37914

дүйнө жүзүндө

Франция президентинин билдирүүлөрү көбүнчө чындыктан алыс болуп, мурдагы сөздөрүнө карама-каршы келет, – деп билдирди Россиянын Тышкы иштер министрлигинин расмий өкүлү Мария Захарова, Эммануэль Макрондун француз ядролук арсеналы тууралуу айткандарын комментарийлеп жатып.

"Ал күн сайын жашоого туура келбеген, мурдагы сөздөрүнө каршы келген билдирүүлөрдү жасайт. Чыныгы жомокчу," – деди Захарова.

Буга чейин, кечинде Макрон француз элине кайрылып, Россияны Франция жана жалпы Европа үчүн коркунуч катары мүнөздөгөн. Ал өлкөнүн аскердик бюджетин көбөйтүү иштерин уланта турганын билдирип, Евробиримдиктин коопсуздугун камсыздоо үчүн француз ядролук куралын колдонуу боюнча талкуу баштоону сунуштады.

Москва буга чейин бир нече жолу НАТО конфронтацияны күчөтүүгө умтулуп жатканын жана анын мындан аркы кеңейиши Европага көбүрөөк коопсуздук алып келбей турганын белгилеген. Ошол эле учурда Кремль Россия НАТО өлкөлөрүнө коркунуч туудурбай турганын, бирок анын кызыкчылыгына каршы багытталган аракеттерди жоопсуз калтырбай турганын баса белгилеген.

Ошентсе да, Россия диалог үчүн ачык экенин билдирип, сүйлөшүүлөр тең укуктуу негизде жүргүзүлүшү керектигин белгилеген. Ошондой эле Батышты Европаны аскердик чыңалууга алып барган саясий курсун өзгөртүүгө чакырган.