Сауд Арабиянын Жидда шаарында өлкө падышасынын жан сакчысы генерал-майор Абдул-Азиз аль-Фагхем өлтүрүлдү. Бул тууралуу дүйнөлүк басылмалар жазып чыгышты.

Маалыматтарга караганда, ал досунун үйүндө атылган. Аткан адам – үй ээси менен жан сакчы экөөнүн Мамду аттуу жалпы таанышы. Бул күнү коноктор ортосунда чыр чыгып, Мамду таарынып кетип калган да, кайра курал көтөрүп келип, конокторду аткылап баштаган.  Падышанын жан сакчысы каза болуп, дагы экөө жаракат алган.

Мамдуну полиция келип атып өлтүргөн, ал колго түшүп берүү сунушуна көнгөн эмес.

Абдул-Азиз аль-Фагхем Сауд Арабиянын мурунку падышасы Салман ибн Абдул-Азиз ибн Абдуррахман Аль Саудга да кызмат кылган.

Булак: NazarNews.kg