Калифорния эгемендүүлүккө умтулууда.

АКШнын эң бай штаты Калифорниянын 44% тургуну мамлекеттен бөлүнүп чыгууга макул экенин билдиришкен. Бул — Трамптын бийликке кайра келиши менен күч алган сепаратисттик маанайдын тарыхтагы эң жогорку көрсөткүчү. YouGov компаниясынын сурамжылоосуна ылайык, калктын 58%ы Калифорния өз алдынча мамлекет болсо, абал жакшырарын айткан.

 Башка бөлүнүүгө даяр штаттар

Аляска (36%) жана Техас (31%) да бөлүнүүнү колдогондордун саны боюнча алдыда. Техас — мурдагы көз карандысыз мамлекет катары — буга чейин да федералдык бийликке нааразылыгын билдирген. Бирок Конституцияда сецессия тууралуу жобо жок жана федералдык өкмөт муну эч качан кабыл албайт. Бул жарандык согуш учурунда далилденген.

 КалExit кыймылы жанданууда

Калифорниянын эгемендүүлүгү үчүн күрөшкөн CalExit кыймылы 2028-жылдагы шайлоодо бул маселени бюллетенге кошуу максатында кол топтоону баштады.

 Калктын нааразычылыгы жана Трамптын реакциясы

Июнь айында Лос-Анжелесте 44 мыйзамсыз мигрант кармалгандан кийин массалык нааразычылык акциялары башталды. Президент Трамп Улуттук гвардияны шаарга киргизди. Калифорниянын губернатору Гэвин Ньюсом бул чечимди мыйзамсыз деп таап, сотко кайрылды. Өз кезегинде Трамп губернаторду камакка алуу мүмкүнчүлүгүн да караштырууда.

 Губернатордун туруму жана риторикасы

Ньюсом расмий түрдө бөлүнүүнү колдобосо да, Калифорнияны «мамлекет-улут» деп аташы, штаттын өз алдынчалыгын баса белгилеши — бөлүнүүчүлүк маанайды күчөтүүдө.

 АКШ бөлүнөбү? Саясий баалоолор

Саясат таануучу Малек Дудаков бөлүнүү реалдуу эмес дейт. Анын пикиринде, АКШда бул процесске жол берген укуктук база жок. Бирок поляризация жана коомдук чыңалуу күндөн-күнгө күчөп жатат.

 Аскерий-саясий божомолдор

Аскерий эксперт Александр Собянин болсо АКШда жарандык согуш сөзсүз болот деген ойдо. Анын божомолунда, эки тарап — өндүрүш жана аскердик өнөр жай менен "цифра" жана фармацевтика жаатындагы экономикалар — бири-бирине каршы чыгышат. Бул күрөш республикачылар менен демократтардын эмес, чыгыш менен батыш жээгинин күрөшүнө айланат.

Собянин Трампты СССРдин акыркы лидери Михаил Горбачёвго салыштырып, анын саясий кадамдары АКШны ыдыратуучу фактор болорун белгиледи.