Бишкек шаардык соту кримтөбөл Азиз Батукаевдин абактан мыйзамсыз бошотулушуна байланыштуу иште мурдагы президент Алмазбек Атамбаевди үй камагына чыгаруудан баш тартты.

Белгилей кетсек, буга чейин адвокаттар мурдагы президенттин бөгөт чарасын үй камагына алмаштырууну өтүнүп, шаардык сотко кайрылышкан.

«Ишти караган судья Атамбаевди үй камагына чыгаруу боюнча арызды канааттандырган жок. Ал 7-апрелге чейин камакта калды», - деп билдирди жактоочу Жоошев.

Эске салсак, кримтөбөл Азиз Батукаевдин мыйзамсыз абактан чыгышы боюнча ишти караган Биринчи май райондук соту Атамбаевдин камактагы мөөнөтүн 7-апрелге чейин узарткан.

Булак: NazarNews.kg