Шайлоо-2021: 24 талапкер шайлоого баруудан баш тартты

Журналист: ЖАҢЫЛ СТАЛКЕРИМОВА

16.11.2021, 16:41

22685

коом

Шайлоо жана референдум өткөрүү боюнча борбордук комиссиясы 28-ноябрга белгиленген Жогорку Кеңештин депутаттарын шайлоого бир мандаттуу округдар боюнча ат салышып жаткан 321 талапкерди каттады. Анын ичинен 24 талапкер шайлоого катышуудан баш тартуу боюнча арыз жазышкан.

Ошентип, 15-ноябрга карата шайлоо өнөктүгүнө 297 талапкер катышууда.

Региондор боюнча талапкерлердин саны төмөнкүдөй:

Баткен облусу – 37 талапкер;
Ош облусу – 49 талапкер;
Жалал-Абад облусу – 45 талапкер;
Талас облусу – 13 талапкер;
Чүй облусу – 59 талапкер;
Бишкек - 27 талапкер;
Нарын облусу – 27 талапкер;
Ысык-Көл облусу – 39 талапкер.

Белгилей кетсек, шайлоо 28-ноябрга белгиленген. Жогорку Кеңештин 54 депутаты пропорционалдык система боюнча (саясий партиялардын талапкерлеринин ачык тизмелери боюнча) бирдиктүү шайлоо округу боюнча, 36 депутат бир мандаттуу округдар боюнча мажоритардык система боюнча шайланат.

Булак: NazarNews.kg