www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Дүйнөдөгү көйгөйлүү маселелерди иликтеген Стокгольм эл аралык институту (SIPRI) биринчи жолу кытай компаниялары өндүргөн курал-жарактын көлөмүн талдап чыкты. Бул тууралуу "Борбор Азия жаңылыктар кызматы" билдирди.
Ага ылайык, 2017-жылы Кытайдагы төрт компания орусиялык тогуз атаандашына караганда, 16,4 миллиард долларга көбүрөөк курал-жарак сатканы белгилүү болду. Натыйжада Кытай курал өндүрүү боюнча дүйнө жүзүндө АКШдан кийин эле экинчи орунду ээледи.
Мурда маалыматтардын жетишсиздигинен сатуу көлөмүн аныктоо мүмкүн болгон эмес. Бирок адисттер биржага чыккан сандарды колдонуу менен төрт кытай компаниясынын 2015-2017-жылдардагы көрсөткүчтөрүн иликтеп чыгышты.
SIPRI 2017-жылы курал-жарак чыгаруу боюнча алдыңкы жыйырмалыкка 11 америкалык, 6 европалык жана үч орусиялык компания киргенин белгилейт. Эгер рейтинг азыр түзүлгөн болсо, кытайлык төрт компания алдыңкы ондукка кирмек.
2017-жылы төрт кытайлык компания жалпысынан 54,1 миллиард долларга курал-жарак саткан. SIPRI алар көрсөткүчтөрүн төмөндөтүп коюшу ыктымал деп эсептейт.
Институттун эсеби боюнча Орусия курал-жарак өндүрүүдө үчүнчү орунга түшүп калды. 2018-жылы декабрда орусиялык компаниялардын сатуу көрсөткүчү 36,2 миллиард долларга чейин азайган. АКШ 246 миллиард долларга курал-жарак саткан.
Булак: NazarNews.kg
< Предыдущий
Следующий >
Последние новости
