Бир нече кино тасмаларда жана клиптерде роль жаратып, көпчүлүккө белгилүү болгон актриса жана фотомодель Рахат Божокоеванын жеке жашоосу жаңылыктарга бай. 

Былтыркы жылдын күз мезгилинде Асыл Тургумбаев аттуу мырзанын колун түбөлүккө кармап турмушка чыкса, эми жакында актриса "эне" статусуна ээ болот. Себеби, Рахат айым учурда кош бойлуу. 

Чоң үй-бүлөөнүн эң кенже келини болуп барган актриса жеке бизнесине, чыгармачылыгына жеткиликтүү убакыт таба албагандыктан, борборубуздагы соода түйүндөрдүн бириндеги ательесинин ишин токтотуптур.

Бул бизнесин үйдө олтуруп улантууну чечкен актриса наристе жытын жыттаган соң, бизнестин башка түрлөрү менен алек болуп көрүүнү жашырбайт. 

Аруужан Булекбаева

Булак: NazarNews.kg