Талантбек Исаевге кылмыш иши козголду. Канат Исаев өкмөт башчы болобу?
Саясат  |   |  855

Ички иштер министрлигинин Мамлекеттик адистештирилген күзөт башкармалыгынын башчысы Талантбек Исаевге карата кылмыш иши козголду. Бул маалыматты УКМКдан тастыкташты.

Маалыматка ылайык, Кылмыш-жаза кодексинин 320-беренесине (Кызмат абалынан кыянаттык менен пайдалануу) ылайык кылмыш иши козголгон. 

Такталбаган маалыматтарга таянсак, кылмыш иши Талант Исаевдин «Манас Менеджмент» жабык акционердик коомунда вице-президент кызматын аркалап турганда 50 миң доллар пайызсыз ссуда алгандыгы тууралуу козголгон.

Талантбек Исаев Жогорку Кеңештин депутаты Канатбек Исаевдин бир тууган агасы. Айрым маалыматтарга таянсак Канатбек Исаев өкмөт башчылык кызматка аракет кылып жаткандыгы каңкууланууда. 

Булак: NazarNews.kg

Поделитесь с друзьями