Кыргызстандын улуттук курама командасынын жарым коргоочусу Муролим Ахмедов «Дордой» клубунан кетип, Бангладештин командасында ойнойт. Бул туурасында Кыргызстандын Футбол федерациясы билдирди.

Ахмедов Бангладештин чемпионатынын премьер-лигасында ойной турган Saif Sprorting Club Ltd клубу менен келишим түзгөнү айтылат. Ал «Дордойдун» курамында ойноп жаткан маалда команда эки жолу (2018,2019-жылдары) Кыргызстандын чемпиону болгон.

Ошондой эле Кыргызстандын кубогун жана супер кубогун утуп алган. Буга чейин Эдгар Бернхардт дагы Бангладеш өлкөсүнүн клубуна өткөн.

Булак: "Мантыш"