Берлинде Германиянын Федеративдүү Республикасынын коргоо министерствосунун короосунда Ангела Меркелди премьер-министрлик кызматтан коштошуу жөрөлгөсү болуп өттү.

Салт боюнча, жогорку даражалуу саясатчы коштошуу жөрөлгөсү үчүн бир нече музыканы тандай алат. Меркель немис панк-рок ырчысы Нина Хагендин “Сен түстүү лентаны унутуп койдуң” (Du hast den Farbfilm vergessen) ырын тандады. Меркелдин айтымында, ырчынын чыгармачылыгы "анын жаш кезиндеги эң жаркын окуялардын бири" болгон.

Аскердик оркестр ошондой эле 1950-жылдардагы белгилүү немис ырчысы жана актрисасы Хильдегард Кнефтин ырын жана чиркөө композициясын аткарды. Салтанат мамлекеттик гимндин аткарылышы менен аяктады. Салтанаттын жүрүшүндө аскерлер да колунда факел менен аскердик марш өткөрүштү.

Меркель дагы бир нече күн канцлердин милдетин аткаруучу бойдон калат. Бундестаг анын орун басары Олаф Шольц үчүн добуш бергенде кетет. Бул күнү анын кеңсеси ант берүүгө даярданып жатат.

Кызматтан кетип жаткан Меркел 15 миң еврого жакын пенсия алат деп күтүлүүдө. Меркель 2005-жылдан бери (төрт мөөнөт) Германиянын канцлери кызматын аркалап келген, ошондой эле Христиан-демократиялык союзга төрагалык кылган. Ал 2018-жылы кийинки мөөнөтүнүн аягында кызматтан кете тургандагын жарыялаган. Келерки шайлоого үч жыл калганда жаш саясатчыларды жоопкерчиликтүү болууга, партияны даярдоого чакырган билдирүү тараткан. Меркелдин президенттик мөөнөтү тууралуу билдирүү 26-октябрда жарыяланган. Ал жаңы министрлер кабинети түзүлгөнгө чейин канцлердин милдетин аткарат.

Суннатилла Абдуллаев, Ташкент

Булак: NazarNews.kg