Коронавирус чыккан Ухань шаарында  тургундар флешмоб башташты. Жергиликтүү тургундар бир убакта балкондорго же терезелерден чыгып алып атайын лозунгдарды кыйкырып жатышат. Видеону аталган шаардын тургуну, Aamir Razzaq твиттердин колдонуучусу жарыялаган.

Кадрларда көрсөтүлгөндөй элдер бир убакта “Ухань май кош”, “Ухань күрөшүүнү уланта бер” жана “Ухань кайраттуу бол” деген маанини түшүндүргөн лозунгдарды кыйкырышууда.

Уханда камалган калк мындай акцияны WeChat приложениеси аркылуу таратууну пландашкан. Алар саат 20:00дө терезеден чыгып, бири-бирин колдойлу деп сүйлөшүшкөн.

Daily Mail агенттиги билдиргендей, мындай акцияга дарыгерлер каршы чыгышкан. Алар вирус аба аркылуу жугаарын эскертишип, үстүнкү кабаттагы адамдын шилекейи астынкы кабаттагы адамга түшөөрүн айтышкан. Алар тургундардан бул акцияны токтотууну же болбосо бет капчан кыйркырууну суранышкан.

Эске салсак коронавирус оорусу 2019-жылдын декабрь айындаКытайдын  Ухань шаарында чыккан. Учурда Кытайда бул вирустан 132 адам каза болуп, ооругандардын саны 6 миңге жакындады. Мындан сырткары, аталган виурс 15 өлкөгө тарап кетти.

Last night, many people confined in their homes opened their windows and shouted “Wuhan add oil”. Some sang songs together and others asked if there were Mahjong partners. It was a heartening scene, although doctors advised against the action as it may spread #WuhanCoronovirus. pic.twitter.com/pBAgMCDUqa

— Xinyan Yu (@xinyanyu) January 27, 2020

Булак: NazarNews.kg