ВИДЕО - Миңдеген ирандыктар көчөгө митингге чыгышты

Журналист: NAZARNEWS

04.01.2020, 14:48

18385

дүйнө жүзүндө

Генерал Касем Сулейманинин жана бир нече аскердин өлүмүнөн кийин Тегеран, Керман жана Тебриздин көчөлөрүнө миңдеген адамдар митингге чыгышты.

Ирандыктар аза күтүү митингине беш мүнөттүк ибадаттан кийин чыгышкан. Учурда бардык жерде ый менен кайгылуу сөздөр угулууда.

Эске сала кетсек, АКШнын президенти Дональд Трамп Ирандын аскердик стратеги, тышкы саясатынын идеологу болгон Касем Сулейманини “дүйнөдөгү №1 террорист” деп атаган. Касем Сулейманини Трамп Американын дипломаттарына жана аскерлерине кол салууга даярданып жаткандыгын айтып, аны өлтүрткөнүн моюнуна алган.

“Өткөн түнү АКШ аскерлеринин кынтыксыз соккусунан улам дүйнөдөгү №1 террористти-Касем Сулейманини жок кылды”,-деп ал теледен билдирген.

Трамптын айтымында Сулеймани “Америка аскерлерине жана дипломаттарына кол салууну мерчемдеген”. Пентагон бейшембиде АКШ Иракта Иран генералын жок кылуу үчүн операция өткөргөндүгүн ырастаган. Курман болгондордун арасында Сулейманиден сырткары ондогон аскерлер жана Ирак шииттери куралдуу күчтөрдүн командиринин орун басары Абу Махди аль-Мухандис да бар болгон. Абу Махди аль-Мухандисти АКШнын мамлекеттик катчысы Майк Пампео 31-декабрда Багдаддагы Американын элчилигине кол салууда айыптаган.

Ирандын жогорку лидери Али Хаменен Сулейманин өлүмү үчүн өч алууга убада берген.