Көрүнүшү кадимки көк жал карышкырга окшош жаныбарлар, итти тирүүлөй мүлжүп жатышат. Адамдардан айбыкпаган бул жандыктар, шаарга кирип келишкенин видеодон байкоого болот.

Бул туурасында интернетке чыккан маалыматтарга таянсак, окуя, 20-январда Орусиянын Калуга шаарында катталган. Анда белгилүү болгондой, түнү менен бир нече жергиликтүү тургун куткаруу кызматына кайрылышкан. Алардын айрымдары коркконунан бак-дарактардын башына чыгып кетишссе, айрымдары унаасынан чыга албай калышканын билдиришкен.

Ал эми кече, 21-январда Орусиянын Айыл чарба министрлиги - жаныбарлар карышкыр эмес карышкыр сымал иттин өзгөчө түрү экенине ишендиришүүдө. Анда айтылгандарга ишенсек, 1950-жылдары Чехословакиядан алынып келген. Анткен менен мындан Калугалыктарга жеңил болгон жок.

Ошентип бүгүн, 22-январда жергиликтүү полиция мергенчилер менен биргеликте, карышкыр сымал жандыктарды жоготууга киришкени тууралуу маалыматтар айтылууда.

Булак: NazarNews.kg