ВИДЕО - Ырчы Урмат Усенов саясатка олуттуу киришти

Журналист: NAZARNEWS

26.10.2019, 5:41

18900

саясат

Маданият кызматкерлеринин ичинен 2020-жылы парламентке депутат болуп келүүчүлөрдүн катарын ырчы Урмат Усенов да толуктады. Мындай билдирүүнү ал өзү “Санжыра” радиосунда маек берип жатып айтты. Айырмасы, башкаларга окшоп “мүмкүн” деген сөздү колдонгон жок. Тескерисинче, депутат болоруна бекем ишенет.

- Өзүңдүн көкүрөгүңдүн ичиндеги ишеним 100 пайыз болбосо, башкалардын ичиндеги ишенимди ойготууга болбой турганын жакшы түшүнүүбүз керек. Анысы кандай, мендеги ишеним толук кандуу. Эң биринчи жоопкерчиликти сезем. Башка өлкөлөрдөгү реформатор жаштардын катарына кошулушубуз керек. Алар кылганды биз дагы кылабыз. Ансыз дагы 30 жылдык тарыхыбызды жоготтук. Мындан кийинки жоготууларга биздин укугубуз жок! – дейт ырчы мырза.

Ал учурдагы депутаттар саясий лимитин түгөткөнүн белгилеп, өзү жалаң жаштардан жана жаңы жүздөрдөн турган ар кыл тармактагы адистер менен бирге кыймылдап жатканын билдирет.

Булак: NazarNews.kg