www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жалал-Абад шаарындагы мектептерде мыкты окуган жана коомдук-маданий иш-чараларга активдүү катышкан мектеп окуучуларына Жалал-Абад шаарынын мэри Мураталы Тагаев Ардак грамоталарды, Алкыш баракчаларын жана белек катары китептерди тапшырды.Бул тууралуу шаар мэриясынан билдиришти.
Шаар мэриясына бардык мектептерден жалпысынан 40тан ашуун окуучулар мэрдин кабыл алуусунда болушту. Калаа башчысы жергиликтүү бийликтер келечек муундарына колдон келген мүмкүнчүлүктү берээрин айтып, аларга активдүү болушун, окууларында көп ийгиликтерди багындырышын каалады. Ошондой эле шаар мэри тарабынан жардам керек болсо, колдоо көрсөтүүгө даяр экендигин билдирди.
Ал эми сыйлык алган окуучулар шаар мэрине ыраазылык билдиришип, мындан ары да окуунун алдыңкыларынан болууга аракет кылышаарын айтышты. Калаа башчысы тапшырган сыйлыктар жана белектер аларга чоң стимул болорун белгилешти.
Белгилей кетсек, шаар мэри алдыңкы окуучуларды кабыл алып, сыйлоо үчүн өзүнүн резервдик фондунан 21 миң 800 сом каражат бөлүп берген.Ал эми шаарда 20 жалпы билим берүүчү мектептер бар.
Булак: NazarNews.kg
< Предыдущий
Следующий >
Последние новости
