Жаранды 2,4 млн сомго алдап кеткен жаш кыз кармалды

Журналист: АЙСУЛУУ ТАЛАНТ

17.12.2022, 15:10

22093

кылмыш жана кырсык

Свердлов РИИБдин аймактык тескөөчүлөрү тарабынан ири өлчөмдө алдамчылыкка шектелген жаран кармалды.

Бишкек шаардык ички иштер башкармалыгынын басма сөз кызматы билдиргендей, 2022-жылдын 15-декабрында Свердлов РИИБге К.А. аттуу жаран кайрылган. Анын айтымында, А. деген жаран Чүй проспектисиндеги соода борборлорунун биринин аймагынан долларды жеңилдетилген (пайдалуу) курста беребиз деген шылтоо менен 2 млн 365 миң 880 сомун алган. Бирок, ал убадасын аткарбай, белгисиз тарапка качып кеткен.

Бул факт Свердлов РИИБ тарабынан КБРге катталып, Кылмыш-жаза кодексинин 209- беренеси (алдамчылык) боюнча кылмыш иши козголгон.

Аталган кылмышка шектелип, 1998-жылы туулган Д.А. аттуу жаран кармалып, тергөө кызматына өткөрүлүп берилген. Ал Бишкек ШИИБдин убактылуу кармоочу жайына камалды.

Текшерүү учурунда анын ушул сыяктуу 10 кылмышты жасоого катыштыгы бар экендиги аныкталды. Учурда тергөө иштери уланууда.

Шектүүнүн аракетинен жабыр тарткан жана кандайдыр бир маалыматы бар жарандар төмөнкү телефондор аркылуу байланыша алышат: 0(700) 66-76-64, 0 (700) 50-10-29, 0 (550) 66-76-69 и 102.

Булак: NazarNews.kg