АКШда кардуу боорон адам өмүрлөрүн алууда

Журналист: АЙСУЛУУ ТАЛАНТ

03.02.2023, 13:28

15303

коом

АКШнын түштүгүндө муздуу бороон болду. Натыйжада жол кырсыктарынан 10го жакын адам каза болгон. Техас штатында 430 миң адам электр жарыгынан айрылса, анын 156 миңден ашыгы Остин шаарында.

Ассошиэйтед Пресс агенттигинин маалыматына караганда, 1-февралдан бери штаттардын түштүк бөлүгүндө аба ырайынын шарттары начарлады. Ошол күнү 1300гө жакын каттам, 2-февралда 500 каттам токтотулган. Электр энергиясын өчүрүү Остин шаарынын тургундарынын 30% жакынына таасирин тийгизген.

Даллас жана Остин аймагында, ошондой эле Оклахома, Арканзас жана Мемфис штаттарынын көпчүлүгүндө мектептер жабылып, коомдук транспортто көйгөйлөр байкалган. Жаңы Англия чөлкөмүндө -45°C температура болжолдонууда.

Ушундай эле суук аба ырайы АКШда 2022-жылдын декабрында катталган. Кар бороонунун кесепетинен 70тен ашык адам каза болду. АКШнын президенти Жо Байден Нью-Йоркто өзгөчө кырдаал жарыялап, штатка федералдык жардам көрсөтүүнү буйруду.

Булак: NazarNews.kg