Кыргыз Республикасынын Биринчи вице-премьер-министр Артем Новиков кыргызстандыктарды Ата Мекенди коргоочулардын күнү менен куттуктады. Министр куттуктоосун өзүнүн Facebook баракчаы аркылуу билдирди.

«Урматтуу мекендештер!

Бүгүнкү Ата Мекенди коргоочулардын күнү менен чын дилимден куттуктайм. Жеке өзүмдүн жана үй-бүлөмдүн атынан сиздерге жылуу каалоо-тилектерибизди жолдойбуз!

Ата Мекенди коргоо үчүн сөзсүз түрдө согушка барып курал кармоо зарыл эмес. Мекенге болгон сүйүү кымындай нерселерден башталат - айлана-чөйрөгө болгон камкордук, жакындарга, үй-бүлөгө жана журтташтарга болгон жоопкерчилик.

Бүгүн Мекендин кызыкчылыктарын жана бүтүндүгүн ар түрдүү коркунучтардан коргой алган ар бир инсандын майрамы!

Дагы бир ирээт жалпы кыргызстандыктарды Ата Мекенди коргоочулардын күнү менен куттуктайм!», - деп белгилеген ал.

Булак: NazarNews.kg