Маалыматка караганда, 17-сентябрда 19 жаштагы кыз Сырдарыядагы көпүрөдөн секирип, өз жанын кыюуга аракет кылган. Аны жолдо өтүп бараткан киши сактап калып, милиция бөлүмүнө жеткирген. Жабырлануучу атасы тарабынан зордукталганын, бул себептен өзүнө кол салганын билдирген.

Кыздын атасы учурда Тажикстандын Хожентиндеги тергөө абагында. Шектүүнүн адвокаты журналисттер менен сүйлөшүүдөн баш тартты.

Жабырлануучу өз атасы тарабынан сентябрдын ортосунда зордукталганын, ал 9-класстан бери эле асылып жүргөнүн айткан. Бирок шектүүнүн туугандары кыз ага жалган жалаа жабууда деп эсептешүүдө.

Ал эми «Гулрухсор» аялдар борбору билдиргендей, судмедэкспертиза кыздын зордукталганын тастыктаган.

Учурда кыз «Гулрухсор» кризистик борборунда жашоодо.

Булак: NazarNews.kg