Алматы шаарында алты жаштагы кызын өлтүрдү деп шектелип анын атасы кармалды. Алдын ала маалыматтарга караганда, кыз муунтулуп өлтүрүлгөн. Бул тууралуу казак басылмалары жазып чыгышты.

Андагы маалыматтарга караганда, окуя кечээ, 24-октябрда Алматыдагы “InterContinental” мейманканасында эрте менен болгон.

Чет элдик жаран мейманканага аялы, кызы менен бирге жайгашкан. Эрте менен кыйкырыктарды уккан мейманкананын кызматкерлери полиция чакырган жана 6 жаштагы кыздын жансыз денесин табышкан.

Полиция бул факт боюнча киши өлтүрүү беренеси менен кылмыш ишин козгоп, тергөө жүрүп жатканын, тийешелүү экспертизалар дайындалганын маалымдаган.

Булак: NazarNews.kg