Баткенде жергиликтүү тургунду өз үйүнөн атып кетти

Журналист: NAZARNEWS

30.10.2019, 7:50

21747

кылмыш жана кырсык

Баткен облусунун Лейлек районуна караштуу Бешкент айылында 25 жаштагы жергиликтүү тургун мылтыктын огунан алган жаракаттан улам каза болду. Бул тууралуу бүгүн, 29-октябрда аталган облустун ички иштер башкармалыгынын басма сөз кызматы маалымат таратты.

Маалыматта айтылгандай, окуя 27-октябрда болгон.

Каза болгон жаран 27-октябрдын түнүндө, саат 00:30тар чамасында үйүнөн сыртка чыгып, кайра кирип бара жатканда аркасынан белгисиз кылмышкер тарабынан ок атылган. Аткан адам окуя болгон жерден качып кетсе, жаракат алган тургун ооруканага жетпей каза болду.

Баткен облустук жана Лейлек райондук ички иштер башкармалыктары тарабынан биргелешкен ыкчам топ түзүлүп, эртеси, 28-октябрь күнү кылмышка шектүү катары ошол эле айылдын 48 жаштагы тургуну кармалган.

Аталган факты боюнча киши өлтүрүү беренеси менен сотко чейинки өндүрүш иши башталып, шектүү убактылуу кармоо жайына киргизилди.

Булак: NazarNews.kg