Ички иштер министрлиги мыйзамдагы ууру Азиз Батукаевди камактан мыйзамсыз бошотууга байланышкан сотко чейинки өндүрүш иши аяктаганын жарыялады. Министрликтин маалыматына караганда, учурда кылмышка күнөөлүү бардык фигуранттарга айыптары угузулуп, аларга коюлган айыптар менен тааныштырылууда. Андан соң жакын арада сотко чейинки өндүрүштө тергелип аяктаган кылмыш иши Башкы прокуратура аркылуу сот органдарына жиберилет.

Айып коюлгандардын тизмеси:

• Гематология борборунун кызматкерлери Эмил Макимбетовго, Ирина Цоповага;
• Гематология борборунун жетекчиси Абдухалим Раимжановго;
• Мурунку Саламаттыкты сактоо министри Динара Сагинбаевага;
• Саламаттыкты сактоо министрлигинин өкүлү Канатбек Бектемировго;
• Жазаларды аткаруу мамлекеттик кызматынын мурунку жетекчиси Зарылбек Рысалиевге;
• Жазаларды аткаруу мамлекеттик кызматынын мурунку жетекчисинин кеңешчиси Калыбек Качкыналиевге;
• Жазаларды аткаруу мамлекеттик кызматынын башкармалыгынын жетекчиси Акыл Асановго;
• Жазаларды аткаруу мамлекеттик кызматынын дарыгери Фархад Атаходжаевге;
• Нарын облусунун прокурорунун мурунку орун басары Майрамбек Акматалиевге;
• Прокурордун мурунку жардамчысы Кубат Жуматаевге;
• Мурунку Баш прокурор Аида Саляновага;
• УКМКнын жетекчисинин кеңешчиси Марат Бекеновго;
• Мурунку вице-премьер-министр Шамиль Атахановго;
• Нарын шаардык сотунун төрагасы Жапар Эрматовго;
• жактоочу Али Касымовго;
• Коопсуздук кеңешинин катчысы Бусурманкул Табалдиевге, ага издөө жарыяланган;
• Мурунку президент Алмазбек Атамбаевге.

Булак: "NazarNews.kg"