Маалыматка ылайык, «Негизги максатыбыз — мамлекеттик кызмат көрсөтүү тармактарында жарандарыбызга максималдуу түрдө ыңгайлуу шартты түзүү», — деп баса белгиледи Кыргыз Республикасынын Президенти Сооронбай Жээнбеков бүгүн, 24-январда, Кыргыз Республикасынын Коопсуздук кеңешинин кезектеги жыйынында.

Мамлекет башчысы коррупцияга каршы натыйжалуу күрөшүү үчүн  санарип технологияларды киргизүү  зарыл  экенин белгиледи.

«Менин жарлыгым менен былтыр дагы, быйыл дагы өлкөнү санариптештирүү саясаты артыкчылыктуу багыт катары аныкталды.

Президент Сооронбай Жээнбеков Кыргызстан алдына амбициялуу максатты — региондогу өлкөлөр арасында санариптештирүү боюнча алдыңкы орунга чыгуу максатын койгонун өзгөчө баса белгиледи, деп билдирди өлкө башчынын басма сөз кызматы.

Булак: NazarNews.kg