www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Террорчулардын бүгүнкү күндө Кыргызстандын аймагына кирүүсүнө жол берилбейт. Бул тууралуу Коопсуздук кеңешинин катчысы Дамир Сагынбаев "Террорчулукка каршы күрөшүү — жалпы милдет. Баткен окуяларынын Кыргызстан жана ЖККУ үчүн сабактары" аттуу тегерек столдо билдирди.
Анын айтымында, 1999-жылы Кыргызстан чек араны коргоону Россиядан өткөрүп алып, жаңыдан өз системасын түзө баштаган. Өлкөдө чек ара маселесин тескеген бирдиктүү орган жок болчу. Ал учурда Баткен башка аймактардан артта калган регион эле. Өзбекстан менен Тажикстан мамлекеттик чек араны коргоого анча басым жасаган эмес. Террорчулар дал ушул шарттан пайдаланып кетишкен.
"Тарыхка айланган ал окуяларга саресеп салып, бүгүнкү күндө андайга жол берилбей турганын ишенимдүү айтууга болот. Азыркы тапта Кыргызстандын күч структурасын өнүктүрүү үчүн көп нерсе жасалды", — деди Сагынбаев.
Коопсуздук кеңешинин катчысы бул үчүн мамлекеттик чек ара бекемделип, Баткен облусун ар тараптан өнүктүрүүгө басым жасалганын айтып берди. Мындан тышкары, террорчулук менен экстремизмге каршы туруу үчүн мамлекеттер аралык аракеттер көрүлүп жатканын белгиледи.
Сагынбаев Кыргызстан жана башка өлкөлөр "Кант" авиабазасы тарабынан авиациялык колдоого ээ экенин кошумчалады.
Булак: "Спутник"
< Предыдущий
Следующий >
Последние новости
