www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Тажикстандын Кыргызстан менен чектеш Чорку аймагында чек арадагы куралдуу жаңжалда кыйраган үйлөр жаңыдан курулуп бүттү.
2-июлда жаңы үйлөрдүн ачкычтары ээлерине салтанаттуу түрдө тапшырылды. Иш-чарага Согди облусунун төрагасы Ражаббай Ахмадзода катышты. Анын айтымында, чек ара жаңжалында 29 үй жабыркаган. Жаңыланган үй ээлерине азык-түлүк, кийим-кече жана айрым тиричилик техникалары кошо берилгенин "Азаттыктын" тажик кызматы жазды.
Үйлөрдү жаңылоого мамлекеттен тышкары коомдук уюмдар жана жергиликтүү эл салым кошкону айтылды. Куруучулардын маалымдашынча, жаңы турак-жай эки бөлмө, коридор жана верандадан турат. Ар бир үйгө кеминде 130 миң сомони (11394.08 доллар) сарпталган.
28-апрелден 1-майга чейинки аралыкта Кыргызстан менен Тажикстандын чек арасында куралдуу жаңжал болгон. Кагылышта 36 кыргызстандык курман болгон. Тажикстан 19 жараны каза болгонун билдирген. Эки өлкө бири-бирин айыптап, кылмыш иштерин козгогон эле.
Булак: NazarNews.kg
< Предыдущий
Следующий >
Последние новости
