Жогорку Кеңештин депутаты Төрөбай Зулпукаровдун бир тууган агасы Нурлан Зулпукаров 47 жашында мезгилсиз дүйнө салды. Бул тууралуу депутаттын жакындары тастыктады.

Маалым болгондой, Нурлан Зулпукаров 22-январь күнү жүрөк оорусунан улам көз жумуп, сөөгү 23-январда өзү туулуп-өскөн Ош облусунун Ноокат районуна караштуу Кара-Таш айылында жерге берилди.

Нурлан Зулпукаров үй-бүлөдө 8 бир туугандын үчүнчүсү. Ал эми өзү 3 уул, бир кыздын атасы болгон.

 NazarNews.kg сайтынын эмгек жамааты Төрөбай Зулпукаровдун бир тууган агасы дүйнө салгандыгына байланыштуу анын үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.


Булак: NazarNews.kg