Американын Теннесси штатындагы Нэшвилл шаарынын полициясы аялды үйдөн кууп чыгуу максатында келген, бирок, алар үйдө аялдын сөөктөрүн табышкан. Daily Mail гезити билдиргендей, анын балдары эки жыл бою чирип жаткан сөөккө тийишкен эмес. 

Дэвидсон округунун полиция кызматкерлери 21-октябрда 56 жаштагы Ларинда Жоллинин сөөгүн төшөктөн үйүлүп жаткан чүпүрөктөрдүн арасынан табышкан. Полиция үйгө маркумдун Энтони аттуу бир тууганы менен келишкен, ал кыздарынын биринен анын канча убакыттан бери өлгөнүн сураган. Кийин белгилүү болгондой, маркум 2017-жылдын башында каза болгон. «Эч нерсе калбаптыр. Сөөктөрү эле калыптыр », - деди Энтони.

Джоллинин акыл-эс бузулуулары бар болгон бойго жеткен төрт баласы тең үйдө анын денеси менен кеминде эки жыл жашашкан. Энтони карындашына анчалык жакын болбогонун, бирок ага үзгүлтүксүз телефон чалып тургандыгын ырастоодо. Акыркы жылдары балдары телефонду алып, апасы азыр сүйлөй албайт деп жооп беришчү.

Ал балдар менен сүйлөшкөндөн кийин, алар маркумдун акыркы керээзин аткарып жатышканын билди: Энеси аларга денесине тийбегиле жана эч кимге чалбагыла деген экен.

Жоллинин сөөгү экспертизага жөнөтүлдү. Анын өлүмүнүн себеби азырынча белгисиз. Бирок, анын өлүмү зордук-зомбулук менен болгон деп айтууга негиз жок, деп билдирди полиция.

Аялдын төрт баласы убактылуу мейманканага жайгаштырылган. Социалдык кызматтар аларды багып алууга даяр адамдарды издеп жатышат.

Булак: NazarNews.kg