Футзал боюнча Кыргызстандын улуттук курама командасы “Азия-2020” чемпионатына даярдануу алкагында Өзбекстандын курама командасын кабыл алып, конокторду 5:1 эсебинде “сыйлап” койду. Бул тууралуу аталган спорттун түрү боюнча ассоциациясы маалымат таратты.

Маалыматта айтылгандай, учурда футзал боюнча 2020-жылы өтчү Азия чемпионатына даярдык катары Бишкекте окуу-машыгуу иш-чаралары жүрүүдө.

Эртең, 19-октябрда Өзбекстандын курамасы менен дагы бир матч өтөт.

Эскерте кетсек, Азия чемпионатына тандап алуу оюндары 23-25-октябрь күндөрү Иранда өтөт.

Анда Кыргызстан Иран жана Түркмөнстандын командалары менен бир тайпада ойношу күтүлүүдө.

Булак: NazarNews.kg