Гинеколог кардарга: "Мен Кудай эмесмин да!"

Журналист: NAZARNEWS

25.12.2018, 3:51

23300

ден-соолук

Бишкектеги ооруканалардын биринде уул төрөп алайын деп календардык саноого келген айым гинекологго кайрылат. Дарыгер кардарга эмне кылуу керектигин айтып, санап берип жиберет.

Арадан убакыт өткөндөн баягы эркек төрөйм деп жүргөн келин "кыз"төрөп калып, баягы дарыгерге келип, "Сиз эркек болот деп убада бербедиңиз беле? Эмнеге кыз болуп калды, эми кызды өзүңүз алыңыз" - дейт. Гинеколог эже эмне кылаарын билбей маң болуп калат. Кичине өзүнө келгенден кийин:

"Мен силерге Кудай эмесмин да. Мен санаган туура эмес чыгып калса, мен күнөөлүү эмесмин! Алып кет кызыңды" - деген экен.

Арадан дагы бир топ убакыт өткөндөн кийин, баягы келин келип, кызын дарыгерге көрсөтүп, дагы 2 уулдуу болгонун айтып, андан кечирим сураптыр. Учурда атын атагысы келбеген гинеколог Бишкектин поликлиникалардын биринде иштейт. Азыр ал кыз, уул болот деп айтып бербей калган, себеби дагы ушундай болот деп ал коркуп калгандыгын айтат.

Ошондуктан, кыз болобу же уул болобу бул Кудайдын бергени да. ага бир гана Кудай жооп берет демекчибиз.

Жазгул Урмамбетова, NazarNews.kg