Алар Жалал-Абаддын Базар-Коргон районунан келишкенин, Июнь окуясында каза болгондордун туугандары экени кабарланды. Аскаровдун бошотулушуна каршы экенин, соттун өкүмү күчүндө калуусун талап кылып жатканын билдиришкен.

Белгилей кетсек, бүгүн, 13-майдагы Жогорку соттогу отурум саат 14:00гө белгиленген.

Укук коргоочу Азимжан Аскаровдун кыргыз өкмөтүнө карата Бишкектин район аралык сотуна жазган дагы бир доо арызын кароо 11-майга белгиленип, бирок каралбай калган. Ишти карай турган судья Чолпон Досмамбетова сотко келгендерге район аралык сот президенттин 8-майдагы жарлыгы менен жоюлуп кеткенин маалымдаган. Азырынча арыз качан каралаары белгисиз.

Булак: NazarNews.org