Баткенде алдамчылыкка шектелген аял кармалды. Бул тууралуу облустук милициядан билдиришти.

Маалыматка караганда, Баткендин тургунун сыртынан тааныш болгон аял бир тууган инисин «абактан чыгарып, ага карата козголгон ишти кыскартып берем» деп 50 миң доллар алып, алдап кеткен. Бул факты боюнча ал милицияга арыз менен кайрылган.

Аталган факты боюнча Кылмыш-жаза кодексинин 209-беренеси (алдамчылык) боюнча сотко чейинки өндүрүш иши башталган.

Ыкчам-иликтөө иштеринин натыйжасында шектүү катары Баткен районунун 41 жаштагы Н.К. аттуу тургуну (аял киши) кармалып, убактылуу кармоо жайга камакка алынган.

Булак: NazarNews.kg