2023-2024-жылкы окуу жылы башталаар алдында турат. Окуу жылынын алдында Бишкекте филармонияла педагогдордун окуу, билим, тарбия, сапат маселесин камтыган конференциясы болду. 

Кабмин төрагасынын орун басары Эдил Байсалов мугалимдердин билим деңгээлинин терең болушун белгилеп сапат маселесине басым коюп: "Мугалим күнүгө билимин жаңыртып турушу керек, 4 жылда бир курстан өтүү жетишсиз. 
Замандын талабы - үзгүлтүксүз билим алуу!", - деп акыл айтты. 

Ал эми билим берүү жана илим министри Каныбек Иманалиев окуу сапатын, мугалимдердин билим деңгээлин көтөрүү багытында байгеси 1 миллион сомдук мугалимдер үчүн сыйлык уюштурулуп жатканын белгиледи.

 Бул тууралуу: "Буюрса, мугалимдерибиздин арасында миллионерлер пайда болот!", - деп жар салды.

Булак: NazarNews.kg