Казакстандагы окуу жайлардын студенттери эми “Назарбаев таануу” сабагын окуй башташы толук мүмкүн. Бул тууралуу «Түштүк Казакстан» облустук гезити кабарлады.

Маалыматка ылайык, мындай демилгени Шымкент университетинин профессору Экономика илимдеринин кандидаты Нурали Уткелбаев БИлим берүү министрлигине сунуштаган. Сунуш министрлик тарабынан жактырылды.

Бул предметке Назарбаевдин илимий эмгектери, сүйлөгөн сөздөрү, макалалары, элге кайрылуулары камтылат. Уткелбаевдин сунушу менен жогорку квалификациялуу авторлор жамааты Билим министрлигинин көзөмөлү  алдында оку куралын иштеп чыгат.

Булак:NazarNews.kg