2025-жылдын 19-декабрында Бишкек шаарындагы «Sheraton» мейманканасында KFU Football Awards 2025 — жыл жыйынтыгы боюнча Кыргызстандын футбол тармагындагы мыктыларды сыйлоо аземи болуп өттү.

Салтанат Кыргыз футбол биримдиги тарабынан уюштурулуп, футболдогу жетишкендиктер үчүн жыл сайын тапшырылуучу индивидуалдык сыйлыктар ээлерине берилди. Иш-чарага Кыргыз футбол биримдигинин президенти Камчыбек Ташиев, ошондой эле футбол коомчулугунун өкүлдөрү катышты.

Аземдин алкагында төмөнкү номинациялар боюнча 2025-жылдын мыктылары аныкталды:

• «Кыргыз Республикасынын мыкты футболчусу – 2025» – Эржан Токотаев (170 миң сом);

• «Футзал боюнча мыкты оюнчу – 2025» – Шохрух Махмадаминов (90 миң сом);

• «Кыз-келиндер футболунун мыкты оюнчусу – 2025» – Нагима Туралиева (90 миң сом);

• «Футбол боюнча мыкты жаш оюнчу – 2025» – Кими Мерк (90 миң сом);

• «Футбол боюнча мыкты машыктыруучу – 2025» – Эдмар Ласерда (170 миң сом);

• «Футзал боюнча мыкты машыктыруучу – 2025» – Луис Бернат Молина (70 миң сом);

• «Кыз-келиндер футболунун мыкты машыктыруучусу – 2025» – Антонио Меса (70 миң сом);

• «Футбол боюнча мыкты калыс – 2025» – Эрланбек Осмонов (50 миң сом);

• «Футзал боюнча мыкты калыс – 2025» – Нурбек Арстанбек уулу (50 миң сом);

• Мыкты футбол клубу – 2025 – «Барс» ФК (50 миң сом);

• Мыкты регионалдык уюм – Чүй облусунун футбол ассоциациясы (50 миң сом);

• Мыкты спорттук уюм – «Мурас» окуу-машыгуу базасы (50 миң сом).

Белгилей кетсек, бул сыйлыктар Кыргыз Республикасынын Президентинин «2025–2034-жылдары Кыргыз Республикасында футболду өнүктүрүү боюнча чаралар жөнүндө» Жарлыгына ылайык тапшырылып, айрым номинациялар боюнча жалпы суммасы 1 миллион сомду түзгөн атайын байгелер ыйгарылды.