Халал Экспо көргөзмөсү өтөт

Журналист: NAZARNEWS

20.10.2018, 4:39

21074

коом

2018-жылдын 29-ноябрынан 2-декабрына чейинки аралыкта Евразия Шоу жана Арт-Центр (Eurasia Show & Art Center) көргөзмө аянтында Ислам Өнөктөштүк Уюму менен биргеликте 6-Халал Экспо көргөзмөсү өткөрүлөт.

7000 км кв аянтта өткөрүлүүчү иш-чарада 72 өлкөдөн келген 30 миңден ашык коноктор, ислам туризми, финансысы менен алектенген ишканалар, халал болгон химия, косемтика, медицина жана фармацевтика боюнча алып барган 150дөй бренд ээлери, уюмдар болоору күтүлүүдө.

Көргөзмөнүн максаты “халал” азыктарды таанытып, ислам маданиятын жайылтуу болуп саналат. Көргөзмөнүн башында бийлик өкүлдөрү, бизнес ээлери жана маданий жетекчилер болушат. Андан сырткары, медиктер, окумуштуулар сергек жашоо боюнча адистер да аталган иш-чарага . Иш-чаранын алкагында 500дөн кем эмес Туркия, Жакынкы Чыгыш, Орто жана Батыш Европа, Балкан, Африка өлкөлөрүнүн соода ишкерлери менен жолугушуп, эки тарапка пайдалуу келишим түзүп, дүйнөлүк базардагы мамилени өнүктүргөнгө шарт түзүлөт.

Бизнес-программа боюнча ар кандай темадагы жарыштар, фестивалдар өткөрүлөт. Кошумча талкуу аянтчасы уюштурулуп, халал азык-түлүктөргө байланыштуу маанилүү суроолорго жооп айтылып, маектешүү жүрөт. Бул тууралуу Туркиянын Кыргызстандагы элчилиги билдирет. Толук маалымат төмөнкү шилтемеде: http://www.helalexpo.com.tr/en/

Булак: NazarNews.kg